Martinus Braccarensis, Formula honestae vitae, p1, 5

monumenta.ch > Martinus Braccarensis > 'versipellis' in 'Formula honestae vitae, p1, 5'
Martinus Braccarensis, Formula honestae vitae, AD MIRONEM REGEM GALLICIAE., , IV. De iustitia. <<< >>> VI. De moderanda fortitudine.

CAPUT V. De mensura et moderatione prudentiae. HIDE LINKS TO MANUSCRIPTS

1 His ergo institutionibus observatis, quatuor virtutum species perfectum te facient virum, si mensuram rectitudinis earum aequo vivendi fine servaveris. 2 Nam si prudentia terminos suos excedat, callida et pavida commiseris, investigator latentium, et scrutator qualiumcunque noxarum ostenderis, notaberis timidus, speciosus [forte, suspiciosus], attentus, semper aliquid quaerens, semper aliquid timens, semper aliquid dubitans, et subtilissimas suspiciones suas ad animi tui apprehensionem impingas. 3 Monstraberis digito astutia plenus, versipellis, et simplicitatis inimicus, contemplatorque culparum, et postremo uno nomine vocaberis a cunctis, malus homo. 4 In has ergo maculas prudentia immensurata perducet. 5 Quicunque in illa mediocri lance persistit, nec obtusum bnf2772.102 v in se aliquid habeat, nec versutum.